Forums Soninkara: Forums de discussions Soninké

[demba soumaré]

GIDIMAXA KAFO? TAARE HAYIRE KAFO.

GAJAAGA KAFO? TAARE XANYAGA KAFO.

FAARE NKINYE XAYI? SOONINKON FAAREN KINYE XAYI.

T'O N' O XANNE SAFA? T'O N'O XANNE NXARA

TAARE? TAARE? TAARE FEDEN SIGI.

SOONINKAAXU FETI GOLLE GIRI.

BAW'O SAFANDE LI BAW'O XARANWE LI.

XA DA FAAMU XAN KAFOOYI XA N'O DEEMA ON DAGA KAANE

http//fr.360.yahoo.com/sumaarenkunda

kee ni nbulogun ya xa layi faayini xa nawaari

[madibiramu]

kiyen bogu sooninkaaxun kiyen bogu,
xason xura sooninkaaxun xason xura,
sooninkaaxun bogu saasin sutten di,
i tunmi do sooninkaaxun batte geejin noxon di,
I d’a bagandi ti soobe ya, I d’a bagandi ti yerewuraaxu ya,
Sooninkon Maariden Kafo Misira xa nuwari,
ma yinten ga bogu degeren di.
in sewo sewoye ya linki koota ke,
in d’ a wara geejin noxo a ma tonwo a di,
in d’ a wara giden kanma a kont’a wuttu.

xa marenme: ishaxa tuure Ganbiya seereekunda.

[hadamarémé]

Salam! Xa do gollé marenmu
Ganta kuna kudo nan kata sugu ku sugunu, xado déma,
bawoni na xara ado na sugu goli xoté surtout le "rime"
Wassalam

[demba soumaré]

Xa nawaari. tonwun tonwu,suuge a linwo, a gemu.ke suuge, sere be gada suugu, a kaman ni jerinte nya .sooninka lenmen su maamande nwa katt'a yi. wasalaamu

[fofana]

demba soumaré tu écris bien le soninké. merci de continuer à nous apprendre davantage sur notre culture

[madibiramu]

Xaransuuge gansinde


Taare taare
Xa bisimilla
Tuuru nfonlaqe
Turon guufure
Tuwaaxun gine
Tiigande ndo maamande
Debixooro naxati naxannaate
Maarenna do lanbatara,
Jaaxonne do jalaxa
Xor’o na gubo gansi doome
Tiringa gubuxoore
Tullun gansi
Tuurun gansi
Tuwaaxun gansi
Toŋun gansi
Tunbudunbu yanqandi
Turunba fakka xatti duuro
A ranta sugini !!!
Tuurun gubo
Tuwaaxun gubuxoore
An faayi baana sikki
O wa toŋono
An gama tullun bunne temu
An ta yaage kitana!!!
An gama ro yaagin gubo noxondi
An ta yaage liŋoye tuunu!!!
Xanne faasandaano
Xaranŋundaano
Xaralenmu
Jagandaano
Muurundaano
Tiringa gubuxoore nfaayi baanan sikki
Xibaarindi konpe nfaayi wuunu
Yaaxanji nya xoolinwuran ŋa !!!
Tuŋarankon gaaye
Debixooro ndo debitugunnu miselle
Maarenna ni diganxannu sikki ya
N xa kaanu sikki feti!!!

M= maarenmaaxu
A= a menta
A= a wase
R= renmu
N= naxaha
N= nanmansaane
A= a kin’o yi, a w’o bakka!!!
Xaayandana, xaranŋundaana
Ndirisa siisoxo
Lenbaane xonira nt’an ŋa
I ga d’an kattu t’an kuyi, an da laxami ya
Kanjisenne nwa yanqana
Kanme kutti falle, a na toqo nigije ya maxa
Kaŋe xasoye lant’a daraja xennundini
Ňogoome be yinkolla nga bogu geden di, haris’a kutte ŋa no!
Noxon booxene katta xanan ya yi
Togen booxene katta xonne ya yi
Yellinŋu wu xanne ya ni, t’i Kun jaman ya na bi konŋo doome
Tuure gana ňi sere be kaane nigije nt’an katta
Tunguro nkanma taaxaano nlanta ňiiňe maxansefene!!!
Maxa siine soxo,na siine banta!
Tiringa maarenna gubuxoore ndaga xanne faayi
Hari n’o gemundi jamu do xeeri ya

Safandaana: Aliwu Si Saawaane

Tringa informatique
Sissoko Idrissa
Kayes Lafiabougou
Rue 271 porte 514
Telephone :5239931. Email :SISSOKOIDRISS@YAHOO.FR

[fofana]

Ke gunbo yaani a toxon ni Jibiriru
Jibiriru ni gunbu fakkaña ; bennun nan saxatu .
Siine yogo kanme ma texe, kawayen ña
Xoolun kaawa, fanη kaawa , ma a ganta ña guufa baane.
Xa guufa ke nan laatu.
Daqqun gada naaburun tooro biren be , I su
Giri i ti i wa telle mini guufa ke ya.
Selinghe fina yan daga ;
xa a ma ketu dangini fonfalle a xiti , daqqun xotoye daηa.
Sugo ri ken falle a xa xiti, wulle ri a xiti.
Naburu baane ma ketu joofene guufa ke ya Jibiriru falle.
Jibiriru ga joofe a mini, ken falle a da i bennun faga ji ya.

A do sereebe ganaa gomu ken na ti :
"An giri mine xa Jibiriru?"
A na ti "in giri fanghen ya , fanxooren ya!"
A na yille tini"Gunbu baanantara jibiriiru !
Kinbakkan benne jibiriru!
Kinxennan benne jibiriru!
Sahelin benne Jibiriru !
Banbuxun benne jibiriru!
Gunbu baanantara Jibiriru".
A na ken ku ji ya a na mini.

A joηa Wulle ya , a ri Sugo , ken falle a ri Seliηe.
Kuusu dangiyen falle a ri Turunηe ya,
Turuηe ti: " An giri minne xa Jibiriru? "
Jibiriru ti:"In giri faηen ya , fanxooren ya!
A ti"Gunbu baantara Jibiriru!
Kinbakkan benne Jibiriru!
Kinxennan benne Jibiriru!
Sahelin benne Jibiriru!
Banbuxun benne Jibiriru!
Gunbu baanantara Jibiriru !"
Jibiriru da ji kini a yi a mini
A ga duguta a yille telle sigi a kaane xadi a ti : " An giri minne xa Jibiriru ?"
Jibiriru ti : " In giri faηen ya , fanxooren ya ! "

Turuηe yille tini :" Gunbu baanantara Jibiriru !
Kinbakkan benne Jibiriru !
Kinxennan benne Jibiriru !
Banbuxun benne Jibiriru !
Sahelin benne Jibiriru !
Gunbu baanantara Jibiriru !"
Jibiriru yille ji kinni a yi ,a mini .
Turuηe wuru nan yille telle sigi a kaane.
A ti: " An giri minne xa Jibiriru ?"
Jibiriru di jaabi:" In giri fanghen ya , fanxooren ya! "
A ti:"Gunbu baanantara Jibiriru!
Kinbakkan benne Jibiriru!
Kinxennan benne Jibiriru!
Sahelin benne Jibiriru !
Banbuxun benne Jibiriru!
Gunbu baanantara Jibiriru!"
Jibiriru di ji kini a yi xadi a mini.

A ga duguta minnen ηa birenbe ,
Jibriru gada i falle koyi a ga janbandi
Turuηe xenu a yi , xa Jibiriru da soli i bennun filli ya
Ma nuxudu foonin su ga bakka