Forums Soninkara: Forums de discussions Soninké

[Mamadou Doucouré]

Ke ɲa yugo yogo ya yi, a ga telle i leminayaxaren banŋe, kanmen xusi a xata. A ga da a kita nan ro leminayaxaren konpen ŋa baane, a xusi du toxo ti: "Eeyi, a nda liŋo kanmen da a na i nuxullenmun texe!" Jaaxa kiinen wa non ŋa. Kiinen da du toxo: "A kutini an ŋa minna yi?" A ti: "Ee, sellan ŋa ke!"

nokho ndi koutou soyé ngha

[coutora]

Ke ɲa yaxaare yogo ya yi a ga daga i tongen liŋondi tagayugon banŋen ŋa kandaaran ŋa. Ayiwa tage ke da a ro yinben ŋa, a ga da a bogu yinben ŋa na a liŋondi tanni, yaxaren xusi ri katti tagen ŋa ti i ri i tongen wutu. Tagen ti ayiwa an tongen faayi, xa maxa a ro an kunken ŋa de, ken ga fe an teyinnen wa kalla. Yaxaren ga da tongen wutu, a ga bogu a da i kaaron faayi, a ga ma sere wari, a ti "jaaxa ke ya ga ɲaana a saaten ŋa, a wa kalla saasa." A xusi tonge ke ro i kunken ŋa, tongen da a kunken buyi; a xusi a farati bakka kunken ŋa. A ga daga kan ŋa, i ga da a tirindi ti manne xa n da a kita i kunken ŋa? A ma duŋe na fofo ko. Ken yan da a koyi ti an ga na teyinnen saaten kini i me teyinne yi, a wa a karini.

Ha les femmes

Buubu Yaamadu Tunkara

[demba soumaré]

HA HAA HAAA ,an da tonwu ko yere sa, sooninko nti an gana yaxaren kini i teyinne nwa t'an daga a gaaga ,a ga ma a gaagante kitta a wa roono tanbo nwa,ken ga fe a d'an ta yillene xoni, an da bi baane ro baccili yaxarun wa, an da ke digan ta linwi moxo buru

[coutora]

Demba maxa mungu do hayrankos yaxaru ku xa yi ado Sakiliba yaxaru


Leminun ga na noonen kutu nan ti sere be nda ke waxa an wa kalla, ayiwa hari an ga na ɲi tiini gaaren ni, maxa a waxa de, an na a goori an na ti: "Leminu, xa da gaare ko." Ken ga fe an ga na daga a waxa, a nda ɲa tonŋu yi, an telle a kutten laxami laaxara ya.

Buubu Yaamadu Tunkara

[demba soumaré]

KE NYA NA NXASO,MANINKAN DO WOLOFO,KOOTA YOGO WOLOFO YUGO NYA LI MANINKAN BOUTIkI NWA, A TI MANINKAN DA, IN NYAATA, i n yaata a wureni wolofon xanne manneme, xa maninka xanne wureni nda wuttu, WOLOFON GA RI MANINKAN BUTIKI,A TI KI NYAATA,MANINKA NTI N'I YAATA IN BI TA TINYE,MANINKAN GIRI NAN XENU WOLOFO YUGON NWA,NA TUGUTI I KORI NA ME FAAMU,

[coutora]

KE NYA NA NXASO,MANINKAN DO WOLOFO,KOOTA YOGO WOLOFO YUGO NYA LI MANINKAN BOUTIkI NWA, A TI MANINKAN DA, IN NYAATA, i n yaata a wureni wolofon xanne manneme, xa maninka xanne wureni nda wuttu, WOLOFON GA RI MANINKAN BUTIKI,A TI KI NYAATA,MANINKA NTI N'I YAATA IN BI TA TINYE,MANINKAN GIRI NAN XENU WOLOFO YUGON NWA,NA TUGUTI I KORI NA ME FAAMU,

Iranta me faamunu

Ke Cissoxo yugo yogo xa ya ni, a giri ti i wa telle i leminayaxaren banŋe. A da tagayen waxa, jaaxa a ga da tagaye ke waxa, tagaye ke falle doori xootinten ya na non ŋa. A ga da du wutu birrrr!!!, a xusi ɲa xa bippu doori xootinte ke noxon ŋa. Kiinen xusi toroson ɲa xa patti!, a ti ko ni? A ti: "E! n ya ni", a ti: "An ken ma daga in muuru in faaba yi nan ti xunbane o nan furute katti dooren ŋa o na a xooti?". A ti: "Iyo, a xooti ya siri de!"

[dioudoudiéri]

Je céderai bien à tes caprices Fenda-c, toutes tes caprices

[fatou]

Je céderai bien à tes caprices Fenda-c, toutes tes caprices

qu'y a t il encore toi

[coutora]

Koota yogo, turunŋe do sugo gemu, a ti sugo da: "An dagana minna yi?", a ti i faayi riini daga o kan ya yi. A ti kuudo an nan kisi lenki an na tonŋunu sikki ko in danŋa. Ayiwa a ti dugu n na tonŋunu sikki ko an danŋa: a ti fana, an ga na in wara saasa n ga na daga, n ga na ti n ke do turunŋe da me wari a ma fo ɲa in ŋa, ayiwa i tiini gaaren ya ni; tonŋu ba ma gaare? A ti yobo. A filla, an xa yinme ga na a ko xa turun jaman da nan ti n ke do sugo da me wari xa n ma fo ɲa a yi, ayiwa i tiini gaaren ya ni. A sikka, a ti turunŋe, n do an ga ro ke digan laate su yi yinme dulle ya nta an ŋa, dulle gan na an ŋa n ke do an ga na me wari tirindinde nta roono o do me naxa.


Buubu Yaamadu Tunkara

[fatou]

Koota yogo, turunŋe do sugo gemu, a ti sugo da: "An dagana minna yi?", a ti i faayi riini daga o kan ya yi. A ti kuudo an nan kisi lenki an na tonŋunu sikki ko in danŋa. Ayiwa a ti dugu n na tonŋunu sikki ko an danŋa: a ti fana, an ga na in wara saasa n ga na daga, n ga na ti n ke do turunŋe da me wari a ma fo ɲa in ŋa, ayiwa i tiini gaaren ya ni; tonŋu ba ma gaare? A ti yobo. A filla, an xa yinme ga na a ko xa turun jaman da nan ti n ke do sugo da me wari xa n ma fo ɲa a yi, ayiwa i tiini gaaren ya ni. A sikka, a ti turunŋe, n do an ga ro ke digan laate su yi yinme dulle ya nta an ŋa, dulle gan na an ŋa n ke do an ga na me wari tirindinde nta roono o do me naxa.


Buubu Yaamadu Tunkara

je n'ai pas tout compris parce que j'ai du mal à lire le soninké
mais je sais que il s'agit d'un conte de l'hyène et de la chèvre.
si une bonne âme peut la traduire