Wagadu ga kare yaa ni à ga daga suala taaxudi.
Ferogo ga giri suala ferogo daga taaxu banaba
Ferogo ga giri banaba i ri taaxu kenu
ferogo ga yille gilli kenu i ri dabarinu taaxudi
ké biré gajaaga yirigeyu ya i tini yaa na a wutu kenu katta
kenu fai xay ki yé bakka
leki ga fe ganni ga na ni
ku ku ni marafa baane yaa
tibabu ga marfa katta niine ke
na wutu yere ma kénu
ke mpalle yaa ni i ga ri giri no ya
i ga ri tiyabu taaxudi
tiyabu fana na ke yo gucube do tafsirga naxa
tiyabu fillàdi ke li na tiyabu do bakeli naxà kaajo
i ri dàgi i daga sàba uri yeero na
saba uri karé a ri tiyabu taaxudi
xa kiye ga na bogu kuna waajibu naa ni a xenne yaa
a ga maxa ni kiye ga na bogu ga xenne
gafici sere nta bacili sooxini niine ke
buna yimme ra ya ma ni bacili bagadini jamaane ke
à ga da a wari o ga xa fi koono
fi xase naa ni
i be nda sere titidi fi xaso na
a na fi xaso naa koono
fi kuruba ke ni ku be ga ri leki
soro cu da ke nari
ku be ga birene
taqe su ga sere maxa niine ke
bacili naa da kini à na
ke naa ni o bulla jona duna sefe su i
o na jona à mpana i
bawo na a wutu gilli kenu na daga a taaxu gàde à naa ni
muke kuna a rawo junono i jaatigi yaa sèbe
bawo kuye ke na allah yaa maxa
o da ku ko yaa ma fi sakuto na tuyi
bawo dimmu ga na lino baane
sere wo sere walla fi yaa koota
a na ni ke mpati fi gume
fi gume dura tagate naa ni
fi gume dura tuyite naa ni
xa xirisu ga na ri i su wo dagini
a na toxo allah tukaxu
fi yaa tuyini yimme a wo naana saamori
a da wutu gilli kiye bakka noqu be o ga a tu
ma noqu be o ga nta a tu
soro cu ni birene a horoma do a barake na
allah ga da a xa xalle dagidi a dagi
siixu umaru a da a wutu gilli jaagli ke ma bajagara
allah ga da xa xalle dagidi a xa dagi
yo o ti o na ku safo yaa minidi xa i
xa na i faamu
salli allah mahammadu
par Samba Dyaaré Dramé de Gandé. La légende est récitée avec un accompagnement musical tiré de l’hymne ou air des Bathily (Bacilini niime)
